യൂണിവേഴ്സിറ്റി മെൻസ് ഹോസ്റ്റലിൽ പൊലീസ് കയറി വിദ്യാർഥികളെ മർദിച്ചെന്നാരോപിച്ച് നാളെ (ഒക്ടോബർ 1) സംസ്ഥാനവ്യാപകമായി പഠിപ്പുമുടക്കിന് എസ്.എഫ്.ഐ ആഹ്വാനം ചെയ്തു.പൊലീസിന്റെയും യൂത്ത് കോൺഗ്രസ്–കെ.എസ്.യു പ്രവർത്തകരുടെയും നടപടിയിൽ പ്രതിഷേധിച്ച് സംസ്ഥാനത്തെ എല്ലാ ജില്ലാ പൊലീസ് മേധാവികളുടെ ഓഫീസുകളിലേക്കും നാളെ എസ്.എഫ്.ഐ മാർച്ച് നടത്തും. വൈകിട്ട് അഞ്ചിന് സംസ്ഥാനവ്യാപകമായി പ്രതിഷേധ പരിപാടികളും സംഘടിപ്പിക്കും.തിരുവനന്തപുരത്തെ സംഭവങ്ങളിൽ പ്രതിഷേധിച്ച് കോഴിക്കോട് മാവൂർ റോഡിൽ ഡി.വൈ.എഫ്.ഐ ഉടൻ പ്രതിഷേധ പ്രകടനം നടത്തും. യൂണിവേഴ്സിറ്റി ഹോസ്റ്റലിലെ സംഘർഷത്തിന് പിന്നാലെ സംസ്ഥാനത്തിന്റെ വിവിധ ഭാഗങ്ങളിലേക്കും പ്രതിഷേധം വ്യാപിക്കുകയാണ്
