Arrest

ഇടുക്കി: ഓൺലൈൻ തട്ടിപ്പുകളിലൂടെ ലക്ഷക്കണക്കിന് രൂപ തട്ടിയെടുത്ത സംഘത്തിലെ പ്രധാനിയായ 22 വയസ്സുകാരനെ കർണ്ണാടക പോലീസ് ഇടുക്കിയിൽ നിന്ന് പിടികൂടി. രാജാക്കാട്, മുക്കുടിൽ സ്വദേശിയായ അദ്വൈത് തൈപറമ്പിൽ ആണ് കർണ്ണാടക സൈബർ പോലീസിന്റെ പിടിയിലായത്. നാട്ടിൽ വാഹനക്കച്ചവടക്കാരൻ എന്ന നിലയിൽ അറിയപ്പെട്ടിരുന്ന ഇയാളുടെ നേതൃത്വത്തിൽ വലിയൊരു സംഘം പ്രവർത്തിച്ചിരുന്നതായി പോലീസ് സൂചിപ്പിക്കുന്നു. കർണ്ണാടകയിലെ ഗാഥായി സൈബർ പോലീസ് ഇടുക്കിയിലെത്തി, ഉടുമ്പൻചോല പോലീസിന്റെ സഹായത്തോടെ മുക്കുടിലിലെ വീട്ടിൽ നിന്നാണ് അദ്വൈതിനെ കസ്റ്റഡിയിലെടുത്തത്. ഗാഥായി പോലീസ് സ്റ്റേഷൻ പരിധിയിൽ മാത്രം…

നെന്മാറ : രണ്ട് വയസ്സുള്ള മകനെയും അഞ്ചു വയസ്സുള്ള മകളെയും ഉപേക്ഷിച്ച് കാമുകനോടൊപ്പം പോയ യുവതി അറസ്റ്റിൽ. നെന്മാറ വല്ലങ്ങിയിലെ 24കാരിയെയാണ് പൊലീസ് അറസ്റ്റ് ചെയ്തത്. അമ്മയുടെ സംരക്ഷണം ആവശ്യമുള്ള ചെറുപ്രായത്തിലുള്ള കുഞ്ഞുങ്ങളെ ഉപേക്ഷിച്ച് പോയതിനാണ് കേസ്. ഭർത്താവിന്റെ പരാതിയിലാണ് നെന്മാറ പൊലീസ് കേസ് രജിസ്റ്റർ ചെയ്തത്. കുട്ടികളുടെ അമ്മയെയും അച്ഛനെയും പൊലീസ് സ്റ്റേഷനിൽ വിളിച്ചുവരുത്തി കുട്ടികളുടെ സംരക്ഷണം ഉറപ്പാക്കാൻ യുവതിയോട് പൊലീസ് ആവശ്യപ്പെട്ടു. കുട്ടികളെ നോക്കാൻ തയ്യാറാകാതിരുന്നതിനാലാണ് യുവതിയുടെ പേരിൽ കേസെടുത്തത്. കോടതി ഇവരെ റിമാൻഡ്…

ബെംഗളൂരു: ഭർത്താവിനെ ചപ്പാത്തികോൽ കൊണ്ട് തല്ലിക്കൊന്ന യുവതി അറസ്റ്റിൽ. കർണാടകയിലെ ബെംഗളുരുവിലാണ് സംഭവം. ബെംഗളൂരു സുദ്ദഗുണ്ടെ പാളയയിൽ താമസിക്കുന്ന ഭാസ്‌കറി(42)നെയാണ് ഭാര്യ ശ്രുതി കൊലപ്പെടുത്തിയത്. ഭാസ്കർ മദ്യപിച്ചെത്തി വഴക്കിട്ടതോടെയാണ് മുപ്പത്തിരണ്ടുകാരിയായ ശ്രുതി ചപ്പാത്തികോൽ കൊണ്ട് മർദ്ദിച്ചത്. യുവതി കുറ്റം സമ്മതിച്ചെന്ന് പൊലീസ് വ്യക്തമാക്കി. 12 വർഷം മുമ്പാണ് ഭാസ്കറും ശ്രുതിയും വിവാഹിതരായത്. ഇവർക്ക് രണ്ടു കുട്ടികളുമുണ്ട്. കഴിഞ്ഞ ദിവസം ഭാസ്കർ മദ്യപിച്ചെത്തിയതിന് പിന്നാലെ ഇരുവരും തമ്മിൽ വാക്കുതർക്കമുണ്ടായി. കലഹം രൂക്ഷമായതോടെ ശ്രുതി ചപ്പാത്തി പരത്താൻ ഉപയോഗിക്കുന്ന തടിക്കഷ്ണം…

  കൊല്ലം: നിക്ഷേപകന്റെ അക്കൗണ്ടില്‍ നിന്ന് പണം തട്ടിയ ബാങ്ക് ജീവനക്കാരന്‍ അറസ്റ്റില്‍. കൊല്ലം ഏരൂര്‍ സൗത്ത് ഇന്ത്യന്‍ ബാങ്കിലെ താത്കാലിക ജീവനക്കാരന്‍ കരവാളൂര്‍ മാത്ര സ്വദേശി ലിബിന്‍ ടൈറ്റസ് ആണ് പിടിയിലായത്. ബാങ്ക് മാനേജര്‍ സുധീഷ് സുരേന്ദ്രന്റെ പരാതിയില്‍ ആണ് അറസ്റ്റ്. ബാങ്കിന്റെ മൊബൈല്‍ ആപ്പ് വഴി 7,21,000 രൂപയാണ് ഇയാള്‍ തട്ടിയെടുത്തത്. ബാങ്ക് അധികൃതര്‍ നടത്തിയ പരിശോധനയിലാണ് തട്ടിപ്പ് പുറത്തായത്. അഞ്ച് വര്‍ഷമായി ബാങ്കിലെ ബിസിനസ് കറസ്‌പോണ്ടന്റ് ആണ് ലിബിന്‍ ടൈറ്റസ്. തട്ടിപ്പില്‍ കൂടുതല്‍…

കൊല്ലം: ന്യൂസിലാന്‍ഡില്‍ ജോലി വാഗ്ദാനം ചെയ്തു ലക്ഷങ്ങളുടെ തട്ടിപ്പ് നടത്തിയ സംഘത്തിലെ യുവതി പിടിയില്‍. ഈസ്റ്റ് കല്ലട മണിവീണ വീട്ടില്‍ എറണാകുളം സൗത്ത് പാലാരിവട്ടത്ത് താമസിക്കുന്ന ചിഞ്ചു അനീഷിനെ പുനലൂര്‍ പൊലീസ് അറസ്റ്റ് ചെയ്തത്.പുനലൂര്‍ സ്വദേശിയുടെ പരാതിയിലാണ് നടപടി. കേസിലെ നാലാം പ്രതിയാണ് ചിഞ്ചു. കേസില്‍ മറ്റ് രണ്ടു പ്രതികള്‍ക്കായി പൊലീസ് അന്വേഷണം ഊര്‍ജിതമാക്കി.പുന്നല കറവൂര്‍ ചരുവിള പുത്തന്‍ വീട്ടില്‍ ജി.നിഷാദില്‍ നിന്ന് 2023ലാണ് നാലംഗ സംഘം പണം തട്ടിയെടുത്തത്. മാസം രണ്ട് ലക്ഷം ശമ്പളം ലഭിക്കുന്ന…

കുറ്റിപ്പുറം: മലപ്പുറത്തുള്ള കാമുകിയെ കാണാനായി എറണാകുളത്ത് നിന്ന് ബൈക്ക് മോഷ്ടിച്ചെത്തിയ യുവാവും സുഹൃത്തും കുറ്റിപ്പുറം പൊലീസിന്റെ പിടിയില്‍. കാഞ്ഞിരപ്പള്ളി സ്വദേശികളായ അജ്മല്‍ ഷാജഹാന്‍, ശ്രീജിത്ത് എന്നിവരെയാണ് അറസ്റ്റ് ചെയ്തത്. എറണാകുളത്തെ ഫ്ലാറ്റില്‍ നിര്‍ത്തിയിട്ട പള്‍സര്‍ ബൈക്ക് മോഷ്ടിച്ച് അവിടെനിന്ന് അജ്മൽ ഷാജഹാന്റെ മലപ്പുറത്തുള്ള കാമുകിയെക്കാണാൻ പോകുന്നതിനിടയിലാണ് ചൊവ്വാഴ്ച പുലർച്ചെ കുറ്റിപ്പുറത്ത് വാഹനപരിശോധന നടത്തുകയായിരുന്ന പോലീസിന്റെ മുന്നിൽപ്പെട്ടത്.  ബൈക്കിന്റെ രണ്ട് നമ്പര്‍ പ്ലേറ്റുകളും ഊരി മാറ്റിയിരുന്നു. സംശയം തോന്നിയ പൊലീസ് കൈ കാണിച്ചു. വാഹനം വെട്ടിച്ചു പോകാന്‍ ശ്രമിച്ചെങ്കിലും…

കോയമ്പത്തൂർ: വേട്ടയാടുന്നതിനിടെ മാൻ ആണെന്ന് കരുതി യുവാവിനെ വെടിവെച്ച് കൊന്ന രണ്ട് പേർ പിടിയിൽ. തമിഴ്നാട്ടിലെ കോയമ്പത്തൂരിലായിരുന്നു സംഭവം. ഇതുമായി ബന്ധപ്പെട്ട് മരിച്ച യുവാവിന്റെ ബന്ധുക്കൾ തന്നെയായ രണ്ട് പേരെ പോലീസ് പിടികൂടി. ഇവർ മദ്യലഹരിയിലായിരുന്നുവെന്ന് പോലീസ് പറഞ്ഞു. സുരണ്ടൈമല സ്വദേശി സഞ്ജിത്താണ് കൊല്ലപ്പെട്ടത്. കൊല്ലപ്പെട്ട സഞ്ജിത്തും ബന്ധുക്കളായ കെ മുരുകേശൻ, പാപ്പയ്യൻ എന്നിവരും ചേർന്ന് വേട്ടയാടനായി പോയപ്പോഴായിരുന്നു ദാരുണ സംഭവം. കാരമട ഫോറസ്റ്റ് റേഞ്ചിൽ പില്ലൂർ അണക്കെട്ടിന് സമീപം അത്തിക്കടവ് വനത്തിലേക്കാണ് ഇവർ വേട്ടയ്ക്കായി പോയത്….

കൊച്ചി: കൊച്ചി എലൂരിൽ നിന്ന് 16 കിലോ കഞ്ചാവ് പിടികൂടി. രഹസ്യ വിവരം ലഭിച്ചതിനെ തുടർന്ന് പോലീസും ഡാൻസഫും നടത്തിയ അന്വേഷണത്തിലാണ് കഞ്ചാവ് പിടികൂടിയത്. സംഭവത്തിൽ വെസ്റ്റ് ബംഗാൾ സ്വദേശികളായ അഫ്സൽ ഹുസൈൻ, റോണി സേഖ് എന്നിവരാണ് അറസ്റ്റിലായത്. എലൂർ ഫാക്ട് ഭാഗത്തു വെച്ചാണ് സംഘം കഞ്ചാവ് പിടികൂടിയത്. 2 ട്രാവൽ ബാഗുകളിലായി കുത്തി നിറച്ച നിലയിലായിരുന്നു കഞ്ചാവ്. ഇതരസംസ്ഥാനങ്ങളിൽ നിന്ന് എത്തിച്ച കഞ്ചാവാണിത്. ഇവർ കളമശ്ശേരി, ഫോർട്ട്കൊച്ചി, എറണാകുളം നോർത്ത് ഭാഗങ്ങളിലാണ് കഞ്ചാവ് വിതരണം നടത്തിയിരുന്നത്….