ന്യൂഡൽഹി: ലോക്സഭാ തെരഞ്ഞെടുപ്പ് രണ്ടാം ഘട്ട തെരഞ്ഞെടുപ്പിനെ മണിപ്പൂരിലുണ്ടായ സംഘർഷത്തിൽ ആറ് ബൂത്തുകളിൽ റീപോളിംഗ് പ്രഖ്യാപിച്ചു. ഉഖ്‌റുൽ, ചിങ്ഗായ്, ഖരോങ്, എന്നീ നിയമസഭാ മണ്ഡലങ്ങളിലെ ആറ് മണ്ഡലങ്ങളിലാണ് റീപോളിംഗ് നടത്തുന്നത്. കഴിഞ്ഞ ദിവസം നടന്ന പോളിങ്ങിനിടെ നാല് ബൂത്തുകളില്‍ വോട്ടിങ് യന്ത്രങ്ങള്‍ അടിച്ച് തകര്‍ത്തിരുന്നു.
19ന് ആദ്യഘട്ട പോളിങ് നടന്നപ്പോഴും വിവിധയിടങ്ങളില്‍ സംഘര്‍ഷവും വെടിവെപ്പും ഉണ്ടായിരുന്നു. തുടര്‍ന്ന് 11 ബൂത്തുകളിലും റീ പോളിങ് നടത്തിയിരുന്നു. ഇന്നലെ ബിഷ്ണുപൂരില്‍ നടന്ന ആക്രമണത്തില്‍ രണ്ട് സിആര്‍പിഎഫ് ജവാന്‍മാര്‍ കൊല്ലപ്പെട്ടതിനെ തുടര്‍ന്ന് സംസ്ഥാനത്ത് സുരക്ഷ ശക്തമാക്കിയിട്ടുണ്ട്. പരുക്കേറ്റ രണ്ട് ജവാന്മാരുടെ നില ഗുരുതരമായി തുടരുകയാണ്.
