ആലപ്പുഴ: യുവമോർച്ച നേതാവ് പതിനാലു വയസുകാരനെ ക്രൂരമായി മർദ്ദിച്ചതായി പരാതി. കാപ്പിൽ പി എസ് നിവാസിൽ ഷാജിയുടെ മകൻ ഷാഫിക്കിനെയാണ് ബിജെപി യുവമോർച്ച പ്രാദേശിക നേതാവായ ആലമ്പള്ളിൽ മനോജ് മർദ്ദിച്ചത്. ഷാഫിയും സഹോദരനും സൈക്കിളിൽ പോകുമ്പോഴായിരുന്നു മർദ്ദനം. ആലപ്പുഴ കായംകുളത്താണ് സംഭവം.
കുട്ടി ആലപ്പുഴ വണ്ടാനം മെഡിക്കൽ കോളേജ് ആശുപത്രിയിൽ ചികിത്സയിലാണ്. കസ്റ്റഡിയിലെടുത്ത പ്രതിയെ പൊലീസ് ജാമ്യത്തിൽ വിട്ടു. കായംകുളം പൊലീസാണ് പ്രതിയെ ജാമ്യത്തിൽ വിട്ടത്. നിസാര വകുപ്പുകൾ ചുമത്തിയാണ് മനോജ് കുമാറിനെ പ്രതിചേർത്തത് എന്നും ആക്ഷേപമുണ്ട്
