കാസർകോട്: ലഹരി വിൽപ്പനയെ കുറിച്ച് വിവരം നൽകിയെന്നാരോപിച്ച് മർദ്ദനം. ലഹരി കേസിലെ പ്രതികൾ വീട് കയറി ആക്രമിച്ച അമ്മയ്ക്കും മകനും പരിക്ക്. കാസർകോട് മാസ്തിക്കുണ്ടിൽ സ്വദേശി സിനാനും മാതാവിനുമാണ് പ്രതികളുടെ മർദ്ദനമേറ്റത്. പരിക്കേറ്റതിനെത്തുടർന്ന് സിനാനും മാതാവ് സൽമയും ചികിത്സയിലാണ്. ലഹരി കേസിലെ പ്രതി ചെങ്കള സ്വദേശി ഉമർ ഫാറൂഖ്, സഹോദരൻ നിയാസ് എന്നിവരാണ് വീട് കയറി ആക്രമിച്ചത്.
