ഇടുക്കി: കട്ടപ്പനയിൽ തോട്ടത്തിലെ ഗ്രാമ്പു പറിക്കുന്നതിനിടെ ഏണിയിൽ നിന്നും വീണ 55 വയസുകാരന് ദാരുണാന്ത്യം. കട്ടപ്പന മേട്ടുക്കുഴി സ്വദേശി കോകാട്ട് സാബു വർക്കിയാണ് മരിച്ചത്. ഇന്ന് രാവിലെ 11 മണിയോടെയായിരുന്നു സംഭവം.
സ്വന്തം തോട്ടത്തിലെ ഗ്രാമ്പു വിളവെടുപ്പ് നടത്തുന്ന സമയത്താണ് സാബു ഏണിയിൽ നിന്ന് വീണത്. സമീപം ഉണ്ടായിരുന്ന അഥിതി തൊഴിലാളികൾ സമീപത്തെ റേഷൻ കടയിൽ വിവരം അറിയിക്കുകയും ഇവർ ചേർന്ന് കട്ടപ്പനയിലെ സ്വകാര്യ ആശുപത്രിയിൽ എത്തിക്കുകയും ചെയ്തു. എന്നാൽ മരണം സംഭവിച്ചിരുന്നു. കട്ടപ്പന പൊലീസ് മേൽ നടപടികൾ സ്വീകരിച്ചു. സംസ്കാരം ചൊവ്വാഴ്ച രാവിലെ 10 ന് കട്ടപ്പന സെന്റ് ജോർജ് ഫൊറോനാ ദേവാലയ സെമിത്തേരിയിൽ. ഭാര്യ എൽസി, മക്കൾ അജിൻ, എബിൻ
