ബംഗളുരു : കർണാടക കലബുറഗി ജില്ലയിലെ ലാഡ്ലാപൂരിന് സമീപം ക്രൂയിസർ വാഹനം ലോറിയുമായി കൂട്ടിയിടിച്ച് അഞ്ച് പേർ മരിച്ചു’ ചിറ്റാപൂർ താലൂക്കിലെ വാഡിക്ക് സമീപം ദേശീയപാത 150 ൽ രാത്രി വൈകിയായിരുന്നു അപകടം.
ഒരേ കുടുംബത്തിലെ അഞ്ച് പേരാണ് മരിച്ചത്. മഹ്മൂദ് ഹുസൈൻ (60), ഫാത്തിമ അബ്ദുൾ സാബ് (40), റസൂൽ ബീ (40), മഹ്ബൂബ് സംഗവി (37), ക്രൂയിസർ ഡ്രൈവർ ടോളു പാഷ (24) എന്നിവരാണ് മരിച്ചത്. ചിറ്റാപൂർ താലൂക്കിലെ ഇംഗലഗി ഗ്രാമത്തിൽ താമസിക്കുന്നവരാണ് മരിച്ചവരെല്ലാം.
വെള്ളിയാഴ്ച രാത്രി ന്യുമോണിയ സംബന്ധമായ പ്രശ്നങ്ങൾ ഉണ്ടായ ബന്ധുവിനെ യാദ്ഗിറിലെ ആശുപത്രിയിൽ പ്രവേശിപ്പിച്ച് മടങ്ങവെയാണ് അപകടെ. എട്ട് പേരാണ് ക്രൂയിസർ വാഹനത്തിൽ ആശുപത്രിയിൽ എത്തിയത്. പിന്നീട് ഡ്രൈവർ ഉൾപ്പെടെ അഞ്ച് പേർ വീട്ടിലേക്ക് മടങ്ങി. രാത്രി 11.40 ഓടെയാണ് അപകടം നടന്നത്. തമിഴ്നാട്ടിൽ നിന്ന് എതിർദിശയിൽ വന്ന ഒരു ലോറി വാഹനത്തിൽ ഇടിക്കുകയായിരുന്നു. വാഹനത്തിന്റെ മുൻഭാഗം പൂർണമായും തകർന്നു. അപകടത്തിന് ശേഷം ലോറി ഡ്രൈവർ ഓടി രക്ഷപ്പെട്ടതായി പൊലീസ് പറഞ്ഞു.
