കൊട്ടാരക്കര കെഎസ്ആർടിസി ഡിപ്പോയില് ഡ്രൈവറെ തൂങ്ങിമരിച്ച നിലയില് കണ്ടെത്തി. കുണ്ടറ കുഴിയം സ്വദേശിയായ ബാബുവാണ് മരിച്ചത്.
കെഎസ്ആർടിസി ഗ്യാരേജിന് സമീപത്തുള്ള ഷോപ്പിങ് കോംപ്ലക്സിന്റെ മുകള് നിലയിലെ ഓഫീസ് വരാന്തയിലാണ് ബാബുവിനെ ജീവനൊടുക്കിയ നിലയില് കണ്ടെത്തിയത്. കഴിഞ്ഞ വർഷം ഫെബ്രുവരിയില് കോണ്ഗ്രസ് അനുകൂല സംഘടന നടത്തിയ സമരത്തില് പങ്കെടുത്തതിനെ തുടർന്ന് ബാബു ഉള്പ്പെടെ നാല് ജീവനക്കാരെ അധികൃതർ സസ്പെൻഡ് ചെയ്തിരുന്നു.
ഒരു വർഷത്തോളം നീണ്ട സസ്പെൻഷൻ കാലാവധിക്ക് ശേഷം കഴിഞ്ഞ മാർച്ചിലാണ് ഇദ്ദേഹം വീണ്ടും ജോലിയില് പ്രവേശിച്ചത്. ഈ സാമ്പത്തിക-മാനസിക ബുദ്ധിമുട്ടുകളായിരിക്കാം ഇദ്ദേഹത്തെ ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം. സംഭവത്തില് പോലീസ് സ്ഥലത്തെത്തി തുടർനടപടികള് സ്വീകരിച്ചു വരികയാണ്.
