തിരുവനന്തപുരം: സിപിഎം അംഗം പിഎസ് പ്രശാന്ത് തിരുവിതാംകൂർ ദേവസ്വം ബോർഡ് പ്രസിഡന്റാകും. നിയമസഭ തെരഞ്ഞെടുപ്പിൽ നെടുമങ്ങാട് മണ്ഡലത്തിൽ യുഡിഎഫ് സ്ഥാനാർഥിയായിരുന്ന പ്രശാന്ത് പിന്നീട് സിപിഎമ്മിൽ ചേരുകയായിരുന്നു. പാർട്ടിയിലെ അഭിപ്രായ വ്യത്യാസങ്ങളെ തുടർന്നായിരുന്നു ഈ തീരുമാനം. സിപിഎം സംസ്ഥാന സെക്രട്ടേറിയേറ്റ് യോഗത്തിലാണ് കെ അനന്തഗോപന്റെ കാലാവധി തീരുന്ന സാഹചര്യത്തിൽ പ്രശാന്ത് പ്രസിഡന്റാക്കാനുള്ള തീരുമാനം. ഡിസിസി പുനഃസംഘടനയെ ചൊല്ലി പാർട്ടിയിൽ കലാപമുയർത്തിയ പ്രശാന്തിനെ കോൺഗ്രസ് പുറത്താക്കിയിരുന്നു. ഇതിന് ശേഷമാണ് ഇദ്ദേഹം സിപിഎമ്മിൽ ചേർന്നത്. കോടിയേരി ബാലകൃഷ്ണന്റെ അസാന്നിധ്യത്തിൽ എ വിജയരാഘവൻ…

കൊച്ചി: വാളയാർ കേസിലെ പ്രതിയുടെ ദുരൂഹമരണത്തിൽ ഫാക്ടറി സൈറ്റ് മാനേജർ കസ്റ്റഡിയിൽ. വാളയാർ കേസിലെ നാലാം പ്രതി എം മധു ആണ് ദുരൂഹ സാഹചര്യത്തിൽ തൂങ്ങി മരിച്ച നിലയിൽ കണ്ടെത്തിയത്. ഈ സംഭവത്തിൽ എറണാകുളം എടയാറിലെ ഫാക്ടറി സൈറ്റ് മാനേജറിനെ പൊലീസ് കസ്റ്റഡിയിൽ എടുത്തു. എടയാർ സിങ്കിലെ നിയാസിനെയാണ് ബിനാനിപുരം പൊലീസ് കസ്റ്റഡിയിലെടുത്ത് ചോദ്യം ചെയ്യുന്നത്. സ്ഥാപനത്തിലെ ചെമ്പ് കമ്പനിയും തകിടുകളും മോഷ്ടിക്കാൻ ശ്രമിച്ചതിന് മധുവിനെ നേരത്തെ കരാർ കമ്പനി അധികൃതർ പിടികൂടിയിരുന്നു. സംഭവത്തിൽ ഉൾപ്പെട്ടവർക്കെതിരെ പരാതി…

കര്‍ണാടക ചിക്കബല്ലാപുരയില്‍ കാറും ലോറിയും കൂട്ടിയിടിച്ചു 13 മരണം. പുലര്‍ച്ചെ ചിക്കബല്ലാപുര ട്രാഫിക് സ്റ്റേഷനു മുന്നില്‍ ദേശീയ പാത 44 ലാണ് അപകടമുണ്ടായത്. മരിച്ചവരില് 4 പേര്‍ സ്ത്രീകളാണ്. റോഡരികില്‍ നിര്‍ത്തിയിട്ടിരുന്ന സിമെന്റ് ടാങ്കര്‍ ലോറിയിലേക്കു കാര്‍ ഇടിച്ചുകയറുകയായിരുന്നു.മൂടല്‍മഞ്ഞില്‍ റോഡരികിലുണ്ടായിരുന്ന ലോറി കാര്‍ ഡ്രൈവര്‍ക്ക് കാണാന്‍ കഴിയാത്തതാണ് ദുരന്തത്തിലേക്കെത്തിച്ചത്. 4പേര്‍ അപകടസ്ഥലത്തുവച്ചും ബാക്കിയുള്ളവര്‍ ആശുപത്രിയിലേക്കുള്ള വഴിമധ്യേയുമാണു മരിച്ചത്. ആന്ധ്രപ്രദേശില്‍ നിന്നു ബെംഗളുരുവിലേക്കു വരികയായിരുന്നു കാറ്. കാറിലുണ്ടായിരുന്ന മുഴുവന്‍ യാത്രക്കാരും മരിച്ചു. മരിച്ചവരെ തിരിച്ചറിഞ്ഞിട്ടില്ല

പത്തനംതിട്ട: ഭാര്യയെ കൊന്ന് ഭര്‍ത്താവ് ആത്മഹത്യ ചെയ്തു. മുക്കൂര്‍ സ്വദേശി വേണുക്കുട്ടന്‍ ആണ് ഭാര്യ ശ്രീജ (36) യെ കുത്തിക്കൊലപ്പെടുത്തിയത്. പത്തനംതിട്ട കീഴ്‌വായ്പൂരിലാണ് സംഭവം. ഇന്നു പുലര്‍ച്ചെ ശ്രീജയുടെ വീട്ടിലെത്തിയായിരുന്നു ആക്രമണം. തുടര്‍ന്ന് വേണുക്കുട്ടന്‍ ആത്മഹത്യ ചെയ്യുകയായിരുന്നു. കുടുംബവഴക്കാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നി​ഗമനം. ഇരുവരെയും ആശുപത്രിയിൽ എത്തിച്ചിരുന്നെങ്കിലും വേണുക്കുട്ടൻ മരിച്ചിരുന്നു. ഭാര്യ ശ്രീജ ആശുപത്രിയിൽ ചികിത്സയിലിരിക്കെയാണ് മരിച്ചത്. സംഭവത്തില്‍ കീഴ്‌വായ്പൂര്‍ പൊലീസ് സ്ഥലത്തെത്തി അന്വേഷണം ആരംഭിച്ചു.

തൃശൂർ: പ്രായപൂർത്തിയാകാത്ത പെൺകുട്ടിക്ക് മദ്യം നൽകി ലൈംഗികമായി പീഡിപ്പിച്ച കേസിൽ യുവാവിനും ഒത്താശ ചെയ്ത ഭാര്യാമാതാവിനും 27 വർഷം തടവുശിക്ഷ. മുളയം കൂട്ടാല കൊച്ചുപറമ്പിൽ അരുൺ (32), മാന്ദാമംഗലം മൂഴിമലയിൽ ഷർമിള (48) എന്നിവരെയാണ് കോടതി ശിക്ഷിച്ചത്. തൃശ്ശൂർ അതിവേഗ പ്രത്യേക പോക്സോ കോടതിയാണ് ശിക്ഷ വിധിച്ചത്. പ്രതികൾക്ക് രണ്ടു ലക്ഷം രൂപ പിഴയും വിധിച്ചു. മണ്ണുത്തി പോലീസ് സ്റ്റേഷനിൽ രജിസ്റ്റർ ചെയ്ത കേസ് അന്നത്തെ ഇൻസ്പെക്ടർ ആയിരുന്ന ശശിധരൻ പിള്ളയുടെ നേതൃത്വത്തിലുള്ള സംഘമാണ് അന്വേഷിച്ച് കുറ്റപത്രം…

കണ്ണൂർ: കിഴുത്തള്ളി ഓവുപാലത്തിന് സമീപം റെയിൽവേ ട്രാക്ക് മുറിച്ചുകടക്കുന്നതിനിടെ ഐടിഐ വിദ്യാർഥി ട്രെയിൻ തട്ടി മരിച്ചു. തോട്ടട ഐടിഐയിലെ വയർമാൻ ട്രേഡ് വിദ്യാർഥി ഉരുവച്ചാൽ ഗണപതി വിലാസം എൽപി സ്കൂളിന് സമീപത്തെ നസ്നി (20) ആണ് മരിച്ചത്. ബുധനാഴ്ച്ച വൈകിട്ട് 5.30 നാണ് സംഭവം. ക്ലാസ് കഴിഞ്ഞ് സുഹൃത്തുക്കളോടൊപ്പം മടങ്ങുകയായിരുന്ന നസ്നിയെ റെയിൽ പാളം മുറിച്ച് കടക്കുന്നതിനിടെ ട്രെയിൻ ഇടിക്കുകയായിരുന്നു. കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. നവാസ് – നസ്റി ദമ്പതികളുടെ മകളാണ്. മൃതദേഹം…