News

മഞ്ചേരി: വിളക്ക് തെളിക്കുന്നതിനിടെ ഉടുപ്പിൽ തീപടർന്ന് പൊള്ളലേറ്റ് കോഴിക്കോട് മെഡിക്കൽ കോളേജിൽ ചികിത്സയിലായിരുന്ന തൃക്കലങ്ങോട് ആമയൂർ കോലോർക്കുന്ന് വീട്ടിൽ അവനി (7) മരിച്ചു.         ആമയൂർ  എൽ പി സ്കൂൾ രണ്ടാംക്ലാസ് വിദ്യാർഥിനിയാണ്. രണ്ടുമാസം മുമ്പാണ് ഗുരുതരമായി പൊള്ളലേറ്റത്. കോഴിക്കോട് മെഡിക്കൽ കോളേജിൽ ചികിത്സയിലായിരുന്നു. ആശുപത്രിവിട്ട് വീട്ടിലെത്തിയെങ്കിലും ന്യൂമോണിയ ബാധയെത്തുടർന്ന് വീണ്ടും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അച്ഛൻ: സുനീഷ്. അമ്മ: ജിൻഷി. സഹോദരൻ: അമയ് മഹാദേവ്.

കോഴിക്കോട്:വിലങ്ങാട് ജനവാസമേഖലയിലിറങ്ങിയ കാട്ടുപോത്തിനെ ഓടിക്കാൻ ശ്രമിക്കുന്നതിനിടെ ഉണ്ടായ ആക്രമണത്തിൽ യുവാവിന് ദാരുണാന്ത്യം. ചെങ്ങന്നൂർ കോടതിയിലെ ജീവനക്കാരനായ വിലങ്ങാട് വായാട് ഉന്നതിയിലെ സുനിലാണ് മരിച്ചത്. ജനവാസമേഖലയിൽ കാട്ടുപോത്തിനെ കണ്ടതിനെ തുടർന്ന് അതിനെ ഓടിക്കാനുള്ള ശ്രമത്തിനിടെയാണ് സുനിലിന് നേരെ ആക്രമണമുണ്ടായത്. ആളുകളെ കണ്ട് പിന്മാറിയ കാട്ടുപോത്ത് പെട്ടെന്ന് തിരിഞ്ഞെത്തി സുനിലിനെ ആക്രമിക്കുകയായിരുന്നു. ആക്രമണത്തിൽ ഗുരുതരമായി പരിക്കേറ്റ സുനിലിനെ ഉടൻ കുറ്റ്യാടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വായാട് മേഖലയിൽ കാട്ടുപോത്തിന്റെ ശല്യം രൂക്ഷമാണെന്നാണ് നാട്ടുകാർ പറയുന്നത്. കണ്ണവം വനമേഖലയിൽനിന്നാണ്…