ഭൂമി തരംമാറ്റത്തിന് കൈക്കൂലി; വില്ലേജ് അസിസ്റ്റന്റ് വിജിലന്‍സ് പിടിയില്‍
തിരുവനന്തപുരം: ഭൂമി തരംമാറ്റി നല്‍കാന്‍ കൈക്കൂലി വാങ്ങിയ വില്ലേജ് അസിസ്റ്റന്റിനെ പിടികൂടി വിജിലന്‍സ്. 5,000 രൂപ കൈക്കൂലി വാങ്ങുന്നതിനിടെയാണ് നെടുമങ്ങാട് സ്വദേശിയായ മുട്ടത്തറ വില്ലേജ് അസിസ്റ്റന്റ് അസറുദ്ദീന്‍ (37) വിജിലന്‍സിന്റെ പിടിയിലായത്. വീട് വെക്കാന്‍ 3 സെന്റ് ഭൂമി തരംമാറ്റി നല്‍കാനുള്ള അപേക്ഷ വൈകിച്ച ശേഷമാണ് ഇയാള്‍ കൈക്കൂലി ആവശ്യപ്പെട്ടത്. മുട്ടത്തറ വില്ലേജ് ഓഫീസില്‍ വെച്ച് വള്ളക്കടവ് സ്വദേശിയായ പരാതിക്കാരനില്‍ നിന്നും പണം വാങ്ങവേ വിജിലന്‍സ് കൈയോടെ പിടികൂടുകയായിരുന്നു. അറസ്റ്റ് ചെയ്ത പ്രതിയെ തിരുവനന്തപുരം വിജിലന്‍സ്…
