പതിമൂന്ന് വയസുകാരൻ ഓടിച്ച കാർ അപകടത്തിൽപ്പെട്ടു; മൂന്ന് പേർക്ക് ദാരുണാന്ത്യം
ഷാർജ: ഷാർജയിൽ പ്രായപൂർത്തിയാകാത്ത ആൺകുട്ടിയോടിച്ച വാഹനം അപകടത്തിൽപ്പെട്ടു. മൂന്ന് ഇമാറാത്തി ആൺകുട്ടികൾക്ക് ദാരുണാന്ത്യം. ഇന്നലെ വൈകുന്നേരമായിരുന്നു അപകടം. 13നും 15നും ഇടയിൽ പ്രായമുള്ള കുട്ടികളാണ് മരിച്ചത്. ഇഫ്താറിനായി ബന്ധു വീട്ടിലേക്ക് പോകും വഴിയാണ് ഇവർ സഞ്ചരിച്ച വാഹനം അപകടത്തിൽപ്പെട്ടത്. 13 വയസ്സുകാരനായിരുന്നു വാഹനം ഓടിച്ചിരുന്നത്. കൽബ റോഡിൽ വെച്ച് ഇവർ സഞ്ചരിച്ച വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമായത്. വാഹനമെത്തിയത് അമിത വേഗത്തിലായിരുന്നുവെന്നാണ് റിപ്പോർട്ട്. തുടർന്ന് റോഡിൽ നിന്ന് തെന്നി മാറുകയും തീപിടിക്കുകയുമായിരുന്നു. മൂന്ന് പേരും കാറിനുള്ളിൽ…
