രാവിലെ വീട്ടില് നിന്നു കോളജിലേക്ക് പോയി, തിരിച്ചെത്തിയില്ല; എംബിഎ വിദ്യാര്ഥിനിയുടെ മൃതദേഹം തോട്ടില്
തൃശ്ശൂർ : അവണൂരില് എംബിഎ വിദ്യാർഥിനിയുടെ മൃതദേഹം തോട്ടില് കണ്ടെത്തി. അവണൂർ സ്വദേശി അനുപ്രിയ (25) യുടെ മൃതദേഹമാണ് മണലിത്തറ തോട്ടില് കണ്ടെത്തിയത്. തൃശൂർ അരുണാട്ടുകര ജോണ് മത്തായി സെന്ററിലെ എംബിഎ രണ്ടാം വർഷ വിദ്യാർഥിനിയാണ്. ഇന്നലെ രാവിലെ വീട്ടില് നിന്നു കോളജിലേക്ക് പോയതായിരുന്നു. വൈകീട്ട് വീട്ടില് തിരിച്ചെത്താത്തതിനെ തുടർന്ന് അനുപ്രിയയെ കാണാനില്ലെന്ന് അറിയിച്ച് പൊലീസില് പരാതി നല്കിയിരുന്നു. പിന്നീട് ഇന്നലെ വൈകുന്നേരം കഴിഞ്ഞ് മൃതദേഹം തോട്ടില് കണ്ടെത്തുകയായിരുന്നു.
