കിളിമാനൂർ ബസ് സ്റ്റാൻഡിനു ചുറ്റും സ്വകാര്യ വ്യക്തികൾ നടത്തിവരുന്ന ഭൂമി കയ്യേറ്റങ്ങൾ ഒഴിപ്പിക്കാതെ കയ്യേറ്റക്കാരോട് പഴയകുന്നുമ്മൽ പഞ്ചായത്ത് നടത്തിവരുന്ന മൃദു സമീപനം അവസാനിപ്പിക്കണമെന്ന് എഐവൈഎഫ് കിളിമാനൂർ മണ്ഡലം കമ്മിറ്റി പ്രസ്താവനയിൽ അറിയിച്ചു.
കിളിമാനൂർ പഞ്ചായത്ത് ബസ്റ്റാൻഡിൽ ചുറ്റും വ്യാപകമായി ഭൂമി കൈയേറി അനധികൃത നിർമ്മാണങ്ങൾ നടത്തിയിട്ടുണ്ട്. പഞ്ചായത്തിന്റെ അനങ്ങാപ്പാറ നയം കൂടുതൽ കയ്യേറ്റങ്ങൾക്ക് വഴിയൊരുക്കുന്നുണ്ട്. ഭൂമി തിരിച്ചുപിടിക്കുവാൻ കോടതി ഉത്തരവ് കൊടുത്തിട്ടും കയ്യേറ്റക്കാർക്ക് സ്റ്റേ വാങ്ങിക്കുവാൻ അവസരം കൊടുക്കുന്ന നടപടിയാണ് പഞ്ചായത്ത് സ്വീകരിച്ചത്. വേലി തന്നെ വിളവ് തിന്നുന്ന ഈ നടപടി പഴയകുന്നുമ്മൽ പഞ്ചായത്ത് അവസാനിപ്പിച്ചില്ലെങ്കിൽ ശക്തമായ ജനകീയ പ്രക്ഷോഭങ്ങൾക്ക് എ ഐ വൈ എഫ് നേതൃത്വം കൊടുക്കേണ്ടി വരുമെന്ന് മണ്ഡലം പ്രസിഡന്റ് ടി താഹയും സെക്രട്ടറി എസ് സുജിത്തും പ്രസ്താവനയിലൂടെ അറിയിച്ചു.
