കാസർകോട്: കുടുംബപ്രശ്നം പരിഹരിക്കാനെന്ന വ്യാജേന 19 വയസ്സുകാരിയെ ലോഡ്ജിലേക്ക് വിളിച്ചുവരുത്തി കെട്ടിയിട്ട് ക്രൂരമായി പീഡിപ്പിച്ചു. സംഭവത്തിൽ കാസർകോട് സ്വദേശിയായ വിഷ്ണുവിനെ ടൗൺ പോലീസ് കസ്റ്റഡിയിലെടുത്തു. കാസർകോട് നഗരമധ്യത്തിലെ ഒരു ലോഡ്ജിലാണ് നടുക്കുന്ന ഈ സംഭവം അരങ്ങേറിയത്.
ബലംപ്രയോഗിച്ച് ആക്രമിച്ചെന്നും ഫോൺ പിടിച്ച് വാങ്ങി കെട്ടിയിട്ടെന്നും യുവതി പൊലീസിന് മൊഴി നൽകി. ക്രൂര പീഡനമാണ് 19കാരി നേരിട്ടത്. പ്രതി ക്രൂമരമായി മർദ്ദിച്ചെന്നും യുവതി പറയുന്നുണ്ട്.
കാസർകോട് നഗരമധ്യത്തിലാണ് ഞെട്ടിക്കുന്ന സംഭവം നടന്നത്. കാസർകോട് ടൗൺ പൊലീസിന്റെ നേതൃത്വത്തിലാണ് അന്വേഷണം നടക്കുന്നത്. പ്രതിയിൽ നിന്ന് കൂടുതൽ വിവരങ്ങൾ ശേഖരിച്ച് അന്വേഷണം ഊർജ്ജിതമാക്കുമെന്നും പൊലീസ് അറിയിച്ചു. കുടുബാംഗങ്ങൾ എല്ലാവരും ഉണ്ടെന്ന് പറഞ്ഞ് യുവതിയെ ലോഡ്ജിൽ വിളിച്ച് വരുത്തിച്ചാണ് ആക്രമിച്ചതെന്നാണ് പ്രാഥമിക വിവരം.
