Local

കൊല്ലം: പൊലീസിന് പിടികൊടുക്കാതെ ഒളിച്ചുനടന്ന പീഡനശ്രമക്കേസ് പ്രതി ലിഫ്റ്റ്‌ ചോദിച്ച് കയറിയത് തന്നെ അന്വേഷിച്ചുനടന്ന എസ്ഐയുടെ തന്നെ സ്കൂട്ടറിൽ. അപകടം തിരിച്ചറിഞ്ഞ പ്രതി ഓടിരക്ഷപ്പെടാൻ ശ്രമിച്ചെങ്കിലും പിടിയിലായി. കൊല്ലം ജില്ലയിലാണ് സംഭവം. കിഴക്കേ കല്ലട സ്വദേശിനിയെ രാത്രി വീട്ടിൽക്കയറി ലൈംഗികമായി പീഡിപ്പിക്കാൻ ശ്രമിച്ച കേസിലെ പ്രതി കൊടുവിള കരാചരുവിൽവീട്ടിൽ ജോമോൻ (19) ആണ് പിടിയിലായത്. മറ്റൊരു കേസ് അന്വേഷിക്കാനുള്ള യാത്രയിലായിരുന്ന സ്പെഷ്യൽ ബ്രാഞ്ച് എസ്ഐ ബിൻസ്‌ രാജിനോടാണ് ജോമോൻ ലിഫ്റ്റ് ചോദിച്ചത്. കൊല്ലം- തേനി പാതയിൽ അലിൻഡ്…

വിതുര പൊന്നാംചുണ്ട് പാലത്തിൽ നിന്ന് വീണ് ഒരാളെ കാണാതായി. വിതുര കൊപ്പം സ്വദേശി സോമൻ (62) നെയാണ് കാണാതായത്. ഫയർഫോഴ്‌സ് എത്തി തെരച്ചിൽ നടത്തുന്നു. വണ്ടിയോട് കൂടിയാണ് ആറ്റിലേക്ക് വീണതെന്നാണ് ദൃക്‌സാക്ഷികൾ പറയുന്നത്. ഉച്ചയ്ക്ക് ഒന്നരയോടെ ആയിരുന്നു സംഭവം. റബ്ബർ ടാപ്പിംഗ് തൊഴിലാളിയാണ് സോമൻ. കൈവരി ഇല്ലാത്ത പാലത്തിനു മുകളിൽ കൂടി സ്‌കൂട്ടറുമായി പോകുന്നത് കണ്ട പരിസരത്തുണ്ടായിരുന്നവർ പിന്തിരിപ്പിക്കാൻ ശ്രമിച്ചെങ്കിലും അതൊന്നും വകവയ്ക്കാതെ സോമൻ മുന്നോട്ട് പോവുകയായിരുന്നു. തുടർന്ന് നിയന്ത്രണം വിട്ടു ആറ്റിലേക്ക് വീഴുകയായിരുന്നു. ഇയാൾക്ക് വേണ്ടിയുള്ള…

കോട്ടയം: വീട്ടുമുറ്റത്തെ കിണർ ഇടിഞ്ഞു താഴ്ന്നു. ആനത്താനം മുണ്ടുപൊയ്കയിൽ മാത്യു കുര്യന്റെ വീട്ടിലെ കിണറാണു താഴ്ന്നത്. ഇന്നലെ വീടിനു സമീപത്തു കൂടി പ്രഭാത നടത്തത്തിനു പോയ അയൽക്കാരനാണ് കിണർ താഴ്ന്നത് വീട്ടുകാരെ വിളിച്ചറിയിച്ചത്. ഭൂമിനിരപ്പിൽ നിന്നു മൂന്നര അടി പൊക്കമുണ്ടായിരുന്ന കിണർ ഭൂമിനിരപ്പിലും താഴേക്കു പതിച്ചു. മോട്ടറും പൈപ്പുകളും കിണറിനൊപ്പം താഴേയ്ക്കുപോയി. കഴിഞ്ഞ ദിവസം കിണറിനുള്ളിലെ വശങ്ങൾ പലയിടത്തും ഇടിഞ്ഞതായി വീട്ടുകാരുടെ ശ്രദ്ധയിൽപെട്ടിരുന്നു. വെള്ളത്തിനു കലക്കലുമുണ്ടായിരുന്നു. ഇന്നലെ അറ്റകുറ്റപ്പണി നടത്താനിരിക്കെയാണ് സംഭവം. പ്രദേശത്ത് ഇത്തരത്തിലൊരു സംഭവം ആദ്യമാണെന്നു…

ചിറയിൻകീഴ്, ഇരട്ടകലുങ്കിൽ കുന്നിൽകട, ബസ്റ്റ്ഫ്രണ്ട്സിന്റെ ആഭിമുഖ്യത്തിൽ അനീഷ് മെമ്മോറിയൽ ട്രോഫി സംസ്ഥാനതല വടംവലി മൽസരം സംഘടിപ്പിച്ചു. പതിനയ്യായിരത്തി അഞ്ഞൂറ്റി അൻപത്തിഒന്നു രൂപയും എവർ റോളിംഗ് ട്രോഫിയുമാണ് വിജയികൾക്ക് ലഭിച്ചത്. കവിയും ഗാനരചയിതാവുമായ രാധാകൃഷ്ണൻ കുന്നുംപുറം മൽസരം ഉദ്ഘാടനം ചെയ്തു. വൻജനാവലിയുടെ സാനിദ്ധ്യത്തിൽ ഇരട്ടകലിംങ്ക് ജംഗ്ഷനിലാണ് മൽസരം നടന്നത്. സംഘടന പ്രവർത്തകരായ ഷമിൻ ബഷീർ,റജി ഇട്ടക്കലിംങ്ക്, നിഷാദ്,താഹ,വിനോജ്, ശ്യാം, അൽ അമീൻ, മനു,ഷമീർ ,ഷിബു തുടങ്ങിയവർ നേതൃത്വം നൽകി.

ലയൺസ് ക്ലബ്‌ വക്കം , കടയ്ക്കാവൂരിന്റെ ആഭിമുഖ്യത്തിൽ അദ്ധ്യാപക ദമ്പതികൾക്ക് സ്നേഹാദരം നൽകി. അഹമ്മദ് കണ്ണ് സാർ(ഗവണ്മെന്റ് യൂ പി എസ് നിലക്കാമുക്ക് ), സുലേഖ ബീവി (ഗേൾസ് എച്ച് എസ് എസ് ആറ്റിങ്ങൽ ) എന്നിവരെ വസതിയിൽ എത്തി ആദരിച്ചു.പ്രസിഡന്റ്‌ ലയൺ പ്രകാശ്, സെക്രട്ടറി ലയൺ പ്രവീൺ കുമാർ, ട്രഷറർ ലയൺ തങ്കരാജ്, ലയൺ വിജയൻ, ലയൺ അഡ്വ. സുരേഷ്‌കുമാർ എന്നിവർ പങ്കെടുത്തു.

മുഖ്യമന്ത്രിയുടെ വിശിഷ്ട സേവനത്തിനുള്ള അംഗീകാരമായ മെഡൽ ഫയർഫോഴ്സ് പി. അനിൽകുമാറിനെ കലാനികേതൻ കലാകേന്ദ്രം ഉപഹാരം നൽകി ആദരിച്ചു. രാമച്ചംവിള നേതാജി ഗ്രന്ഥശാല അങ്കണത്തിൽ നടന്ന ചടങ്ങ് കവിരാധാകൃഷ്ണൻ കുന്നുംപുറം ഉദ്ഘാടനം ചെയ്തു. ഉദയൻ കലാനികേതൻ അദ്ധ്യക്ഷനായി. ഗ്രന്ഥശാല സെക്രട്ടറി കെ.എസ് ഗിരി, മുൻ പ്രസിഡന്റ് സന്തോഷ് കുമാർ , എന്നിവർ സംസാരിച്ചു. വിജയകുമാർ വൈഷ്ണവം നന്ദിപറഞ്ഞു. വർക്കല ഫയർഫോഴ്സ് ഓഫിസിലെ അസിസന്റ് സ്റ്റേഷൻ ഓഫീസറായിരുന്നു പി. അനിൽകുമാർ . നീണ്ടകാലംപാരലൽ കോളേജ് അധ്യാപകനായിരുന്ന ഇദ്ദേഹം സജീവസാംസ്ക്കാരിക പ്രവർത്തകനാണ്….

കളിയരങ്ങ് നാടൻകലാപഠന കേന്ദ്രത്തിന്റെ വാർഷികത്തോടനുബന്ധിച്ച് കവിയും ഗാനരചയിതാവുമായ ഏഴാച്ചേരി രാമചന്ദ്രനെ ഗുരുവന്ദനം നൽകി ആദരിച്ചു.കവി രാധാകൃഷ്ണൻ കുന്നുംപുറം അദ്ദേഹത്തിന് സ്നേഹോപഹാരം നൽകി.വട്ടിയൂർക്കാവിലെ വസതിയിലെത്തിയാണ് കലാകേന്ദ്രം പ്രവർത്തകർ അദ്ദേഹത്തെ ആദരിച്ചത്.കോ – ഓഡിനേറ്റർ അഭിജിത്ത് പ്രഭ,ദിവ്യ പി, സാജൻ, അനിൽ തുടങ്ങിയവർ പങ്കെടുത്തു. ഏഴാച്ചേരി രാമചന്ദ്രന്റെ വിവിധ കവിതകളും നാടകഗാനങ്ങളും കളിയരങ്ങ് പ്രവർത്തകർ അവതരിപ്പിച്ചു.

വിതുര :ബോണക്കാടിന് ആവേശമായി സ്റ്റേ ബസ് വീണ്ടുമെത്തി.കഴിഞ്ഞ മാസം മന്ത്രിമാരായ കെ.എൻ.ബാലഗോപാലും വി.ശിവൻകുട്ടിയും ബോണക്കാട് സന്ദർശിച്ചിരുന്നു. ജി.സ്റ്റീഫൻ എം എൽ എ മുൻകയ്യെടുത്താണ് ബോണക്കാട് ലയങ്ങളിൽ താമസിക്കുന്നവരുടെ അരികിലേക്ക് മന്ത്രിമാരെ കൊണ്ടു പോയത്.അവിടത്തെ താമസക്കാരോടൊപ്പം ഏറെ നേരം ചെലവഴിച്ചാണ് മന്ത്രിമാർ അന്നു മടങ്ങിയത്.തങ്ങളുടെ നാട്ടിൽ ഉണ്ടായിരുന്ന കെ എസ് ആർ ടി സിയുടെ ഒരു സ്റ്റേ ബസ് ഇപ്പോഴില്ലന്നും അതു പു:നസ്ഥാപിച്ചു നൽകണമെന്നുമുള്ള ആവശ്യം നാട്ടുകാർ മന്ത്രിമാർക്കു മുന്നിൽ അവതരിപ്പിച്ചു.ആവശ്യം അനുഭാവപൂർവം പരിഗണിക്കുമെന്നുറപ്പു നൽകിയാണ് മന്ത്രിമാർ അന്നു…

കല്ലറ ഗ്രാമപഞ്ചായത്തിലെ മലയോര ഗ്രാമമായ പാലുവള്ളിയെ പാൽക്കുളവുമായി ബന്ധിപ്പിക്കുന്ന പാലുവള്ളി പാലം പുതുക്കി പണിയുന്നു. കനത്ത മഴയിൽ ബലക്ഷയം സംഭവിച്ചതിനെ തുടർന്ന് ഡി.കെ മുരളി എം.എൽ.എയുടെ ആസ്തിവികസന ഫണ്ടിൽ നിന്നും 59 ലക്ഷം ചെലവഴിച്ചാണ് ആധുനിക രീതിയിൽ പുതിയ പാലം നിർമ്മിക്കുന്നത്. പാലത്തിന്റെ നിർമാണോദ്ഘാടനം പാലുവള്ളി ജംഗ്ഷനിൽ നടന്ന ചടങ്ങിൽ ഡി.കെ മുരളിഎം.എൽ.എ നിർവഹിച്ചു. മണ്ഡലത്തിലെ പി. ഡബ്ല്യൂ. ഡി റോഡുകളെല്ലാം ആധുനിക രീതിയിൽ നവീകരിക്കാൻ കഴിഞ്ഞതായി എം. എൽ. എ പറഞ്ഞു. കല്ലറ ഗ്രാമപഞ്ചായത്തിൽ സ്ഥാപിക്കുന്ന…