കോഴിക്കോട്: ലോകകപ്പ് മത്സരങ്ങളുടെ സമയത്ത് ലോഡ് ഷെഡിങ് എര്പ്പെടുത്തിയതിനെതിരെ വ്യത്യസ്ത പ്രതിഷേധം. കോഴിക്കോട് കല്ലാച്ചി കെഎസ്ഇബി ഓഫീസിന് മുന്നില് ഫുട്ബോള് തട്ടി ഡിവൈഎഫ്ഐ പ്രവര്ത്തകര് പ്രതിഷേധിച്ചു. ഡിവൈഎഫ്ഐ നാദാപുരം ബ്ലോക്ക് കമ്മിറ്റിയുടെ നേതൃത്വത്തിലാണ് പ്രതിഷേധം നടന്നത്.
കണ്ണൂരില് ശ്രീകണ്ഠാപുരം കെഎസ്ഇബി ഓഫീസിലേക്കും ഡിവൈഎഫ്ഐ പ്രതിഷേധം നടത്തി. കെഎസ്ഇബി ഓഫീസില് വിശറിയും മെഴുകുതിരിയും വിതരണം ചെയ്ത യൂത്ത് കോണ്ഗ്രസിന് മൗനമെന്ന് കളിയാക്കിയായിരുന്നു പ്രതിഷേധം. ശ്രീകണ്ഠാപുരം ബ്ലോക്ക് കമ്മിറ്റിയുടെ നേതൃത്വത്തിലാണ് പ്രതിഷേധം നടന്നത്. ഇന്ന് സംസ്ഥാന വ്യാപകമായി എല്ലാ കെ.എസ്.ഇ.ബി ഓഫീസിലേക്കും ഡിവൈഎഫ്ഐ പ്രതിഷേധം സംഘടിപ്പിച്ചതായിരുന്നു.
ജൂണ് 16ന് തുടങ്ങിയ വൈദ്യുതി നിയന്ത്രണം ഈ മാസം 30 വരെ തുടര്ന്നേക്കും. 15 മുതല് അരമണിക്കൂര് വരെ വൈദ്യുതി മുടങ്ങും. വൈദ്യുതി മന്ത്രി സണ്ണി ജോസഫും ചെയര്മാന് ഡോ.എം.ജി രാജമാണിക്യവും പങ്കെടുത്ത യോഗം അനുമതി നല്കിയമായി KSEB അറിയിച്ചത്.
കഴിഞ്ഞ ദിവസം പോർച്ചുഗൽ – കോംഗോ പോരാട്ടത്തിനിടെ വൈദ്യുതി നിലച്ചതോടെ, ഒരു കൂട്ടം യുവാക്കൾ നേരെ കാഞ്ഞൂർ പുതിയേടം കെഎസ്ഇബി ഓഫീസിലെത്തി ജീവനക്കാരുടെ കൺമുന്നിലിരുന്ന് കളി കണ്ട് പ്രതിഷേധിച്ചിരുന്നു. ഇന്നലെ രാത്രിയായിരുന്നു നാടകീയമായ ഈ സംഭവങ്ങൾ
