രാമനെ സ്ഥാനാർത്ഥിയായി പ്രഖ്യാപിക്കുക മാത്രമാണ് ഇനിയുള്ളത്; ബിജെപിയെ പരിഹസിച്ച് ശിവസേന
രാമക്ഷേത്ര ഉദ്ഘാടനത്തെ രാഷ്ട്രീയവൽക്കരിക്കുന്ന ബിജെപിക്കെതിരെ ശിവസേന(ഉദ്ധവ് താക്കറെ വിഭാഗം) നേതാവ് സഞ്ജയ് റാവത്ത് എം.പി. രാമൻ്റെ പേരിൽ ബിജെപി ഒരുപാട് രാഷ്ട്രീയം കളിക്കുന്നുണ്ട്. പൊതുതെരഞ്ഞെടുപ്പിൽ രാമനെ ബിജെപി സ്ഥാനാർത്ഥിയായി പ്രഖ്യാപിക്കുക മാത്രമാണ് ഇനി അവശേഷിക്കുന്നതെന്നും അദ്ദേഹം പറഞ്ഞു. രാമക്ഷേത്രത്തിൻ്റെ പ്രതിഷ്ഠാ ചടങ്ങിലേക്കുള്ള ക്ഷണത്തെക്കുറിച്ചുള്ള മാധ്യമപ്രവർത്തകരുടെ ചോദ്യങ്ങൾക്ക് മറുപടി പറയുകയായിരുന്നു അദ്ദേഹം. രാമക്ഷേത്ര ഉദ്ഘാടനത്തെ ബിജെപി രാഷ്ട്രീയവൽക്കരിക്കുന്നു. അയോധ്യയിലോ മറ്റെവിടെയെങ്കിലുമോ പാർട്ടി സ്ഥാനാർത്ഥിയായി ശ്രീരാമനെ പ്രഖ്യാപിക്കുക മാത്രമാണ് ഇനി ബാക്കിയുള്ളതെന്നും അദ്ദേഹം പറഞ്ഞു.ജനുവരി 22 ന് നിശ്ചയിച്ചിരിക്കുന്ന രാമക്ഷേത്രം…
