തിരുവനന്തപുരം: സംസ്ഥാനത്തെ പ്ലസ് വൺ പരീക്ഷാ ഫലം ജൂൺ 10-ന് പ്രസിദ്ധീകരിക്കും. ഫലപ്രഖ്യാപനത്തിന് ശേഷമുള്ള പുനർമൂല്യനിർണ്ണയത്തിനും സ്കോർ മെച്ചപ്പെടുത്തുന്നതിനുമുള്ള ക്രമീകരണങ്ങളെക്കുറിച്ചുള്ള വിവരങ്ങളും പുറത്തുവന്നിട്ടുണ്ട്.
ആവശ്യമുണ്ടെങ്കിൽ വിദ്യാർത്ഥികൾക്ക് എല്ലാ വിഷയങ്ങളും പുനർമൂല്യനിർണ്ണയത്തിന് (Revaluation) നൽകാനുള്ള അവസരമുണ്ടാകും. കൂടാതെ, ലഭിച്ച സ്കോർ മെച്ചപ്പെടുത്താൻ ആഗ്രഹിക്കുന്നവർക്ക് പരമാവധി 3 വിഷയങ്ങൾ വരെ ഇംപ്രൂവ്മെന്റ് പരീക്ഷ എഴുതാൻ സാധിക്കുന്നതാണ്.
ഈ വർഷത്തെ ഇംപ്രൂവ്മെന്റ് പരീക്ഷ ഒക്ടോബർ മാസത്തിൽ നടത്താനാണ് നിലവിൽ അധികൃതർ ആലോചിക്കുന്നത്. കഴിഞ്ഞ വർഷം ഇംപ്രൂവ്മെന്റ് പരീക്ഷ മാർച്ച് മാസത്തിലെ പൊതുപരീക്ഷയ്ക്കൊപ്പമാണ് നടത്തിയിരുന്നത്.
