Arrest

തിരുവനന്തപുരം: കൊറിയർ നൽകാനെത്തിയ ഡെലിവറി ജീവനക്കാരന് വീട്ടമ്മയോട് പ്രണയം. നിരന്തരം ഫോൺ ചെയ്തും മെസേജുകൾ അയച്ചും ശല്യം തു‌ടർന്നു. വീട്ടമ്മ പ്രേമാഭ്യർഥന നിരസിച്ചതോടെ യുവതിയെ താമസസ്ഥലത്തു ചെന്ന് കൊല്ലാൻ ശ്രമം. യുവാവ് അറസ്റ്റിൽ. മണക്കാട് എംഎസ്കെ നഗർ സ്വദേശി 26 കാരനായ അക്ഷയ് ജിത്ത് ആണ് തുമ്പ പൊലീസിന്‍റെ പിടിയിലായത്. സ്വകാര്യ കൊറിയർ കമ്പനിയിലെ ഡെലിവറി ജീവനക്കാരനാണ് യുവാവ്. രണ്ട് വർഷം മുമ്പാണ് തിരുവനന്തപുരം സ്വദേശിയായ വീട്ടമ്മയെ യുവാവ് പരിചയപ്പെടുന്നത്. പല തവണ യുവതിയോട് പ്രേമാഭ്യർഥന നടത്തി….

തലശ്ശേരി: ലൈസൻസ് അപേക്ഷ വേഗത്തിലാക്കാൻ കൈക്കൂലി ആവശ്യപ്പെട്ട ഇലക്ട്രിക്കൽ ഇൻസ്പെക്ടറേറ്റ് ഉദ്യോഗസ്ഥയെ വിജിലൻസ് അറസ്റ്റ് ചെയ്തു. ചെണ്ടയാട് സ്വദേശിനി മഞ്ജിമ പി. രാജുവാണ് പിടിയിലായത്. തിരുവനന്തപുരം ഇലക്ട്രിക്കൽ ഇൻസ്പെക്ടറേറ്റിലെ ജീവനക്കാരിയാണ് മഞ്ജിമ. പറശ്ശിനിക്കടവ് സ്വദേശിയായ ഒരാളുടെ പരാതിയെ തുടർന്നാണ് വിജിലൻസ് സംഘം ഇടപെടുന്നത്. ഓൺലൈനായി നൽകിയ ലൈസൻസ് അപേക്ഷയുടെ ഫയൽ മുന്നോട്ടു നീക്കുന്നതിനായി 6,000 രൂപ ആവശ്യപ്പെട്ടുവെന്നാണ് പരാതി. വിജിലൻസിന്റെ നിർദേശപ്രകാരം പരാതിക്കാരൻ പണം കൈമാറാൻ തയ്യാറായപ്പോൾ, ട്രെയിൻ യാത്ര കഴിഞ്ഞ് മടങ്ങിയെത്തിയ ഉദ്യോഗസ്ഥയ്ക്ക് തലശ്ശേരി റെയിൽവേ…

കോഴിക്കോട്: അതിരപ്പിള്ളിയിലെ റിസോർട്ടിൽ വെച്ച് യുവതിയെ ബലാത്സംഗ ചെയ്ത സംഭവത്തിൽ തൃശൂരിലെ ഫ്ളാറ്റ് കൊലക്കേസിലെ പ്രതി കസ്റ്റഡിയിൽ. കൊടകര റഷീദിനെയാണ് പോലീസ് പിടികൂടിയത്. ഇയാളുടെ അറസ്റ്റ് പോലീസ് രേഖപ്പെടുത്തിയിട്ടുണ്ടെന്നാണ് വിവരം. ഡിസംബർ 13 ന് അതിരപ്പിള്ളിയിലെ റിസോർട്ടിൽ വെച്ച് റഷീദ് യുവതിയെ ലൈംഗികമായി പീഡിപ്പിച്ചെന്ന പരാതിയുടെ അടിസ്ഥാനത്തിലാണ് ഇയാളെ പോലീസ് അറസ്റ്റ് ചെയ്തത്. കോഴിക്കോട്ട് വച്ചാണ് പ്രതിയെ പോലീസ് പിടികൂടിയത്. സംഭവത്തിൽ കൂട്ടുപ്രതികളായ മൂന്നു പേരെയും പോലീസ് പിടികൂടിയിട്ടുണ്ട്. ലൈംഗികാതിക്രമത്തിന് ഇരയായ പെൺകുട്ടിയുടെ മാതാപിതാക്കളുടെ സുഹൃത്താണ് റഷീദ്….

      കോട്ടയം: ഈരാറ്റുപേട്ടയിൽ വൻ രാസലഹരി വേട്ട. മൂന്ന് യുവാക്കൾ അറസ്റ്റിൽ. ക്രിസ്തുമസിനും പുതുവത്സരത്തിനുമുള്ള വിൽപന ലക്ഷ്യംവെച്ച്കൊണ്ടുവന്ന 99.073 ഗ്രാം എംഡിഎംഎ ഇവരിൽനിന്ന് പിടിച്ചെടുത്തു. ഈരാറ്റുപേട്ട സ്വദേശികളായ വിമൽ രാജ്, ജീമോൻ എം.എസ്., അബിൻ റെജി എന്നിവരാണ് പിടിയിലായത്. മൂന്നുപേരും ചേർന്ന് ബെംഗളൂരുവിൽനിന്ന് എംഡിഎംഎ വാങ്ങി തിരികെ വരുന്ന വഴി ഈരാറ്റുപേട്ടയിൽവെച്ചാണ് പിടിയിലായത്. കോട്ടയം ജില്ലാ പോലീസ് മേധാവിയുടെ ലഹരി വിരുദ്ധ സ്‌ക്വാഡും ഈരാറ്റുപേട്ട പോലീസും നടത്തിയ സംയുക്തപരിശോധനയിലാണ് ഇവർ കുടുങ്ങിയത്.

     തിരുവനന്തപുരം : പുൽക്കൂട് നിർമ്മിക്കാനെത്തിയ 15കാരന് നേരെ പീഡനശ്രമം. മുട്ടട ഹോളിക്രോസ് പള്ളിയിൽ ഇന്നലെ വൈകിട്ട് നാല് മണിയോടെയായിരുന്നു സംഭവം. പരുത്തിപ്പാറ സ്വദേശി അതുൽ ജോസഫ് എന്ന 38കാരനാണ് പിടിയിലായത്. പുൽക്കൂട് പണിയാനെത്തിയ പത്താം ക്ലാസ്സുകാരന് നേരെയായിരുന്നു അതിക്രമം. കുട്ടിയെ പള്ളിയുടെ പിൻഭാഗത്തേക്ക് വിളിച്ച് വരുത്തിയായിരുന്നു പീഡനശ്രമം. രക്ഷപ്പെട്ടോടിയ വിദ്യാർത്ഥി സുഹൃത്തുക്കളെ വിവരമറിയിച്ചു. പിന്നാലെ നാട്ടുകാർ പ്രതിയെ തടഞ്ഞുവെച്ച് പൊലീസിൽ ഏൽപ്പിക്കുകയായിരുന്നു. അതുൽ ജോസഫിനെതിരെ പോക്‌സോ നിയമപ്രകാരമാണ് കേസെടുത്തത്. പള്ളി പരിപാലന സമിതി അംഗമാണ് പ്രതി.

മുംബൈ: ബിരിയാണിയിൽ ഉപ്പ് കൂടിയതിന്റെ പേരിലുണ്ടായ തർക്കത്തിന് പിന്നാലെ ഭാര്യയെ കൊലപ്പെടുത്തിയ 23കാരൻ അറസ്റ്റിൽ. മുംബൈയിലാണ് സംഭവം. സ്വകാര്യ സ്ഥാപനത്തിൽ ജോലി ചെയ്യുന്ന മഞ്ജർ ഇമാം ഹുസൈൻ എന്നയാളെ പൊലീസ് അറസ്റ്റ് ചെയ്തു. ഉത്തർപ്രദേശിലെ കുശിനഗർ ജില്ലയിൽ നിന്നുള്ള നാസിയ പർവീൺ (20) ആണ് മരിച്ചത്. നാസിയയുടെ അമ്മായിയുടെ മകനാണ് മഞ്ജർ.രണ്ടുവർഷത്തെ പ്രണയത്തിന് പിന്നാലെ മാതാപിതാക്കൾ ഇവരുടെ വിവാഹത്തിന് സമ്മതിച്ചു. 2023 ഒക്ടോബർ 20 ന് ഉത്തർപ്രദേശിൽ വെച്ചാണ് വിവാഹം നടന്നത്. വിവാഹശേഷം ദമ്പതികൾ മുംബൈയിലേക്ക് താമസം…

ഇടുക്കി:രാജകുമാരിയിൽ വയോധികയെ ഊൺമേശയുടെ കാലിൽ കെട്ടിയിട്ട് സ്വർണം കവർന്ന സംഭവത്തിൽ കൊച്ചുമകനും സുഹൃത്തും അറസ്റ്റിൽ. രാജാക്കാട് പന്നിയാർകുട്ടി സ്വദേശി 33 കാരനായ സൈബു തങ്കച്ചൻ, സുഹൃത്ത് കാഞ്ഞിരപ്പള്ളി സ്വദേശിനി 31കാരിയായ അനില എന്നിവരെയാണ് പാലക്കാട്ടു നിന്ന് പിടികൂടിയത്. രാജാക്കാട് എസ്എച്ച്ഒ വി.വിനോദ്കുമാറിന്റെ നേതൃത്വത്തിലുള്ള പൊലീസ് സംഘമാണ് ഇരുവരെയും അറസ്റ്റ് ചെയ്തത്. കൂട്ടുപ്രതികളിൽ ഒരാളായ തിരുവനന്തപുരം അഞ്ചുമുക്ക് തെരുവത്ത് സോണിയ (സരോജ-38) നേരത്തേ മണർകാട് ഉള്ള വാടകവീട്ടിൽനിന്ന് അറസ്റ്റിലായിരുന്നു. സംഭവത്തിലെ പ്രധാന പ്രതിയായ കോട്ടയം സ്വദേശി അൽത്താഫ് ഒളിവിലാണ്….

മലപ്പുറം: വളാഞ്ചേരിയില്‍ ബസ് കാത്തിരിക്കുകയായിരുന്ന ഭിന്നശേഷിക്കാരനായ യുവാവിനെ ലൈംഗികാതിക്രമത്തിന് ഇരയാക്കിയ സംഭവം. പ്രതി പിടിയില്‍. ആതവനാട് കാട്ടിലങ്ങാട് സ്വദേശി മുഹമ്മദ് ഷാഫിയാണ് പിടിയിലായത്. ബസ് കാത്തിരിക്കുകയായിരുന്ന യുവാവിനെ സിനിമ കാണിച്ച് നല്‍കാമെന്ന് പറഞ്ഞ് കൂട്ടിക്കൊണ്ടുപോയി ലൈംഗികാതിക്രമത്തിന് ഇരയാക്കുകയായിരുന്നു. പിന്നീട് യുവാവിനെ മാരകമായി മര്‍ദിച്ച് മൊബൈല്‍ ഫോണ്‍ മോഷ്ടിക്കുകയും ചെയ്തു.

ഡൽഹി: സിഎസ്ഐആർ-നെറ്റ് പരീക്ഷയുടെ ചോദ്യപേപ്പർ ചോർന്നു. ലൈഫ് സയൻസ് ,കെമിക്കൽ സയൻസ് പരീക്ഷകളുടെ പേപ്പറാണ് ചോർന്നത്. ഹരിയാനയിലെ സോനേപ്പാളിലായിരുന്നു സംഭവം. ചോദ്യപേപ്പർ ചോർച്ചയുമായി ബന്ധപ്പെട്ട് നിലവിൽ രണ്ട് പേരെ പോലീസ് അറസ്റ്റ് ചെയ്തിട്ടുണ്ട്. പരീക്ഷയ്ക്ക് ഒരു ദിവസം മുൻപ് തന്നെ രണ്ട് വിഷയങ്ങളുടെ ചോദ്യപേപ്പർ 37 വിദ്യാർഥികൾക്ക് കിട്ടി. 4 ലക്ഷം രൂപയ്ക്കാണ് വിദ്യാർഥികൾക്ക് ചോദ്യപേപ്പർ വിറ്റതെന്നാണ് കണ്ടെത്തൽ. കഴിഞ്ഞ ബുധനാഴ്ചയാണ് ഇവരെ അറസ്റ്റ് ചെയ്തത്. ഡിസംബർ 18 മുതലാണ് സിഎസ്ഐആർ നെറ്റ് പരീക്ഷ നടന്നത്. നാലുലക്ഷം…

      തൃശൂര്‍: ഇരിങ്ങാലക്കുട ജനറല്‍ ആശുപത്രിയിലെ അതിക്രമത്തില്‍ മൂര്‍ക്കനാട് ഇരട്ടക്കൊലപാതകക്കേസിലെ പ്രതിയായ മനു അറസ്റ്റില്‍. ജനറല്‍ ആശുപത്രിയിലേക്ക് വാഹനാപകടത്തില്‍ പരുക്കേറ്റ് ചികിത്സക്കായി എത്തിയ കരുവന്നൂര്‍ സ്വദേശി റിസ്വാന്റെ (21) കൂടെ വന്നതായിരുന്നു മനു. ജനറല്‍ ആശുപത്രിയിലെ കാഷ്യാലിറ്റി മെഡിക്കല്‍ ഓഫീസറായ ഡോ. പി.ഡി. ദീപയുടെ പരാതി പ്രകാരം പ്രതിക്കെതിരേ ജാമ്യമില്ലാ വകുപ്പുകള്‍ ചേര്‍ത്താണ് കേസെടുത്തിരിക്കുന്നത്. ആശുപത്രിയിലെ ഒ.പിയില്‍ വച്ച് ഡ്യൂട്ടിയിലുണ്ടായിരുന്ന സെക്യൂരിറ്റി ജീവനക്കാരായ പ്രണവിനേയും സെക്യൂരിറ്റി ജീവനക്കാരിയെയും അസഭ്യം പറഞ്ഞ് മനു ആക്രമിച്ച് പരുക്കേല്‍പ്പിച്ചിരുന്നു. സ്ത്രീത്വത്തിന് അപമാനം…